اختبارات الحــب

زائر

اتنين بيحبوا بعض لازم بيحطوا بعض فى شوية اختبارات وامتحانات من باب تاكيد المشاعر والخيانه والوفاء ........ ومن باب برده اننا ناصحين وما ينضحكش علينا

البنت :

البنت لان عندها شك دايما فى انه الاستاذ بيلعب بديله فا هما اختبارين بيتعملوا

تدى نمرة موبايلك لصاحبتها او اختها ....... ومساء الخير انا معجبه ومن زمان والاستاذ لازم يتدلق طبعا لو مييين ..... وبتكون وقعته منيله بعد كده..

او تروح عمله ايميل جديد وتحطك عندها انت مش فى دماغك طبعا ..... وعشان شوية تمويه تكلمك انجليزى وعشان ما تتفضحش ان الانجليزى بتاعها ضعيف تقولك انها من دولة مش ناطقه بالانجليزى ... الفلبين مثلا .... واديها كلام وانت بتحب انت متجوز انت طبعا هاتقول لا ....... وهوووب شكرا هى عرفت نواياك يا غدار ... اتفرج هاتبقى الحياة عامله ازاى . او تبقى عامله عضويتين تلاته فى المنتدى اللى انت وهى فيه وتزاولك رسايل خاصه والله ينور على موضوعاتك وما فيش مانع تبقى لبنانيه ولا حاجه برده حبة تمويه ...... او تبقى اذكى وتسلط عليك كام صاحبة من المنتدى يستلموك ما يسيبوكش او تريح دماغها ويكون معاها الباسورد بتاعهم عشان الشغل يبقى على ميه بيضا ..( ملحوظه فى ولاد بيعرفوا الحوار وبيدوا الطرف التانى الاجابات اللى تسقطه فعلا فى الامتحان ودى بتبقى بداية اختبار جديد منه هو ليها ) .... وبرده هى هاتسقط فيه اكييييييد .

وصدقنى هاتسقط هاتسقط فى الامتحان وهى لو مش عارفه كده هاتبقى بتضحك على نفسها .
فى ولد طبعا بتبقى وقعته سودا ونهاية للعلاقه وكل شىء بيروح فى لحظه وما بتقولوش .
فى نوع تانى من البنات بيبقى ذكى حبتين وبيتفرج على رافت الهجان كتيير...ما بتقولكش حاجه خالص انها لا كلمتك ولا نيله ولا حاجه وتبتدى تخلع منك واحده واحده .... بس للطريقه دى غياءها .

الولد بقى :

الاستاذ دايما شاكك فى الماضى ما بيشكش فى الحاضر اووى .... ولان الاستاذ دارس فلسفه ومنطق اووى ومش حافظ من اقوال الفلاسفه الا مقولة ديكارت ( انا اشك اذا انا موجود )..... فا يبتدى الاختبارات اللى تبينله هى كانت تعرف حد علاقه .... ولا حب ... لانه برده الفار دايما بيلعب فى عبه ... ومش واثق فى اللى قالتهوله بانه اول واحد واول حب .... او لانها حكيتله عن كل حاجه بصراحه برده فا مش بيبقى مرتاح اوى او او او دايما فى فى دماغ الراجل الشرقى صراصير بتجرى فى كل حته ... بس الولاد غلابه بيتكشفوا انهم بيعملوا اختبار من قبل ما يعملوة .... وبتتقلب عليهم الترابيزة وبتبقى ايام ما يعلم بيها الا ربنا .

السؤال دلوقتي

اختبارات الحب دى سؤاء نجاح الطرف التانى فيها او فشله مقياس حقيقى وترمومتر يتقاس بيه ويتحكم بيه بنهاية علاقه او حتى استمرارها ؟

ولا الخيانه هى الخيانه مش اللى احنا نرتبها ونخلق لها الظروف والملابسات وفى الاخر نزعل ان الطرف التانى وقع ؟

زائر

اولا ياستي بصي هو الموضوع جميل جدا وحلو اوي لانه بيتكلم ع حاجه حقيقه

بتحصل تقريبا كل يوم
بس انتي عارفه بقي الوكسه الكبيره ف ايه؟؟؟؟؟؟؟؟؟؟؟؟
ان الولاد كلهم عارفين الاختبارات ديه وبيعرفوا ازاي يعدوا منها
وعارفه لو حد منهم وقع وجت رجليه ف الخيه؟
بيستغلب بقي ويقول انا كنت فاكره فلانه وحوارت كده
وع فكره حتي لو الواد سقط ف الامتحان ده بيعرف ينجح مفسه كويس اوي
بكلمتين حلوين من لسانه اللي بينقط سكر
بس نا من رأيه بقي
هي تسيبوه ع راحته وهو لو بيعلب بديلوه هيبان ف النهايه
ولو هي بتحبوه بجد مش هتعملوه اختبارات تافهه زي ديه مفقوسه
ولا انتي رئيك ايه؟؟؟؟؟؟؟؟؟؟؟؟؟؟؟؟

زائر

بصي يا قمر هو انتي عندك حق لانه اكيد طبعا لو في حب بجد وثقة بينهم هما الاتنين محدش منهم هيعمل اي حاجه من الاختبارات دي لان كل واحد هيكون واثق في التاني اكتر من نفسه بس كل شباب اليومين دول بيضيع وقت وخلاص بس اعتقد انه لو واحد سقط في اختبار من دول يبقه خلاص اتضح اكيد انه بيتسلي ومهما قال المفروض ان الموضوع انتهي ولا انتي ايه رايك؟؟

زائر

تسلم ايدك يا رونى انا مليش فى كلام البنات ده

زائر

تسلملي يا قمر بس يارب يكون الموضوع عجبك

زائر

لازم يعجبنى مش انتى ال كتباه

زائر

دايما بتحرجني بزؤك كدا يا قمر

زائر

مرسى ولله انتى ال قمر

زائر

كلنا قمامير في ارض الوطن

زائر

على رائيك مبقتش تفرق سينا من سونيا

زائر

هههههههههههههههههه صحيح عندك حق

زائر

هههههههههههههههههههههههههههههههه afro

زائر

عندك حق يا روني بس الكلام اللي انتي قولتيه تاكيد لكلامي

وفعلا لو حد سقطت ف اختبار منهم هتبقي الحكايه انتهت
وانت ياعم قناص بطل كده اي حاجه تتريق عليها خليني اشوف الردود
مش اشوف ضحكك
دنا كل لما ادخل اي موضوع الاقي قناص وروني نازلين ضحك وانا م بفهم حاجه منهم

زائر

هههههههههههههههههههه على اساس ان احنا ارجوزات يعنى

زائر

ال ارجوزات ال اتكلم عن نفسك بس يا استاذ ويعدين انت اللي بتقعد تتريق عليا مش انا
وبعدين يا بنوتة لازم تشوفيلك حل في اخوكي دا ومرسيه علي ردك يا قطتي

زائر

هههههههههههههههههههه اتبعتت مرتين مش مهم بقه

زائر

اى خدمه بقت مرة واحدة يا ارجوزة

زائر

لو انا ارجوزه يبقه اكيد انت بليتشو

زائر

انا اسلام مش بليتشو

زائر

ههههههههههههههههههههههه طويب

زائر

ههههههههههه طيبين

زائر

موضوع جميل اوى تسلمى يا قمر

زائر

اانا بحب واحد جداااااا بس مش عارفه اعبره عن حبى لى دا هو اغلى حاجه فى حياتى وعمرى مبزعلو خالص وعايزة اعبره عن حبى لى بس ازاى عايزة رد ممكن و ياريت حل لانى بموووووووووووت فى جدا Crying or Very sad