لعبة نقاش وحوار

زائر

السلام عليكم ورحمة الله وبركاته....

أعتقد بأن كل واحد منا يريد أن يعبر عن رأيه أو حتى عن مشاعره عند قراءته لموضوع ما
لذلك أنا فكرت بفكرة أتمنى أن تعجبكم وهي أن كل واحد منكم يبدي رأيه ويطلق العنان لمشاعره تعبر عما تجول فيها لأي موضوع يطرح في هذه الصفحة وكل زائر منا يتحاور مع الآخر ويطرح أسأله ويبدي رأيه فيما يكتب ...إذا ما نريده منكم هو حوار مشترك هادف.

وأنا سأضع عدة أسأله تثير الحوار والنقاش

هل تؤمن بالحب من أول نظرة؟
هل تؤمن بوجود الحب؟
ماهي فلسفتك في الحب؟
هل تخشى الحب؟هل تخجل من الحب؟
لماذا حديث كل الشباب اصبح يدور حول معانى الحب ؟
لماذا دائما نبحث عن الحب قبل المستقبل و لماذا نبنى مستقبلنا ونهدة على الحب ؟

تساؤلات كثيرة تدور حول الحب و غيرها , مارأيكم أنتم ,عبروا عن آرائكم هنا

زائر

انا بأمن بالله وبحب فعلا الحب من اول نظرة

زائر

كلامك جميل وكلو امل ويارب يخليك لحبيبتك يارب ومتتتحرمش منك ابدا علشان لو بعت عنها بجد بجد هتموت نفسها

ولكن هل ترى ان الحب هو اول طريق للنجاح ام للفشل ؟؟

زائر

انا هجاوب لك ع كل سؤال من الاسئله ديه اوكات

مش بأمن به من اول نظره
ا,من به لكن مش دايم ونهايته مش لذيذه
فلسفتي ان ليس للحب نهايه مضمونه
اخشاه ولكنني لاء اخجل منه مع نفسي ولكنني اخجل منه عندما ياتي يحد يلوم عليا
لان الشباب مش لاقيه حاجه تتكلم فيها وبعدين لانهم بيحسوا احساس رائع فيه
عشان كده بيتكلموا عنه بس لما بيتجرحوا بقي مش بيطيقوا الحب ولا بيحبوا انهم يتكلموا عنه
انا هو ده رأي لو عندك تعليق قوليه

زائر

انا مشش بحب اسمع لحد يا بنوته انا بحب واحدة وربنا ما هيحرمنى منا خالص ان شاء الله

زائر

ربنا ميحرمكش منها

بس حاول تخلي النهايه بنكم مضمونه

زائر

ان شاء الله مش هيحرمك منها يااسلام بجد وهتفضلو لبعض حقيقي

بس فعلا البنوتة عندها حق لازم تكونو مشيين فى الطريق السليم علشان توصلو للنهاية للمكان الصح ومحدش يرجع يلوم التانى ولا يندم انو مشي فى الطريق دة من الاول ومتزعلهاش مع انى يعنى مش بتزعل منك خالص بس البنوتة صح فى كلامها لازم توصل النهاية لطريق مضمون

بس مش معنى كدة يابنوتة اننا لو فشلنا يبقي احنا السبب لاء ياحبيبتى دى تعتبر تجربة يابننجح فيها يابنفشل والنجاح والفشل بتبقي نصيب ياحبيبتى ربنا كاتبهولنا
ومش معنى اننا فشلنا يبقي دى نهاية العالم لاء المفروض نستفيد من التجربة سواء فشلنا او نجحنا

(ان الطيبون للطيبات ) واسلام طيب اوى لو اللى بيحبها طيبة يبقي هو ماشي صح
صح ياسمسم قولى بقي اللى بتحبها طيبة ولا ........

زائر

بصي بايو كلام كله صح وانا مش هعارضك في كلمه واحده

عايزه افهم ايه اللي تقصدي من الجمله اللي انتي قولتيها ديه
مع انى يعنى مش بتزعل منك خالص
اوكات بايو فهمني تقصدي ايه من وراها

زائر

انهى جملة يابنوتة

زائر

ديه يابايو مع انى يعنى مش بتزعل منك خالص

زائر

انتي كتبتيها كده بالظبط

زائر

قصدى يعنى ان حبيبتو مش بتزعل منو اكيد لان سمسم طيب خالص خالص

زائر

اخى احب ارد عليك واقولك الحب موجود وفى كل شىء حوالينا وكلمة الحب مرتبطة بكل عمل لينا او فعل لو اكلت مثلا نوع فاكهة ومش فضلت التانى فانا بحب ده ومش بحب ده لو صحيت باكر فانا بحب الاستيقاظ مع الشروق ولو رديت على موضوع فلانى حبيت الحوار وعجبنى الكلام شوفت اخى الحب ده معنى واسلوب ووسيلة وغاية فيها كل مشاعرنا بنعبر عنها وللحب فلسفة عالية بين البشر بها بتسمو بمشاعرك وتبحر بيها الى اقصى ما يتصور ويتحمل خيالك وللحب انواع وطرق واختلفت الالسنة والاقلام فى التعبير عنه فمنهم من يحيا بشقائه ولوعته ومنهم من يحيا بشوقه ولهفته ومنهم من يحيا بسعادته واحلامه ومنه من ياخذ من جنونه قمة التعقل ومنهم من يسمو ويسمو ويسمو بفكره ومشاعره الى اعلى درجة ويقابل بالاحباط والهجران والفراق والحب همس يسرى بين قلبين غلاف شفاف يحوى روحين انامل رقيقة تمس الجراح وتداعبها واوتار الخيال تهيم بالعاشقين وتحتويهم والحب تضحية وثقة وامان وتفانى والحب سبيل الى النفوس ترققها وتثقلها وليس لكل حب نهاية سعيدة وليس لكل قصة مثيل يعيش افرادها فى عالم سرمدى خاص بهم منهم من يسمو فوق مشاكله ومنهم من يتناساها ومنهم من لا يراها وللحب مراة خاصة لا يرى بها الا المحبين بمفاهيم واحتياجات مختلفة ولكل محب نقص يستعيض به بمشاعره الحنونة فمنهم من يرد الامان ومنهم من يرد الثقة ومنهم من يرد الرعاية ومنهم من يرد الجسد لكل حب لغة ولكل حب طريقة تختلف باختلاف شخوصها المحبين نعيش بالحب ولا نستطيع العيش بدونه ونعيش بالامل ولولاه ما حيينا وفوق كل حب هناك حب اعظم واجل هو حب الله به تندمج كل حواسك معا روحك وقلبك ونبضك ومشاعرك فتسمو روحك وتسمو بمن حولك واشكرك اخى على سعة صدرك وسماحى لى بالتعليق على موضوعك الشيق وتقبل مرورى

زائر

ولله كلامك صح يا هايدى انا اقيد رائيك فى حب